MY

ဖေငယ်၊ မောင် (ဦးတင်ဖေ)

စာရေးဆရာမောင်ဖေငယ်သည် မြန်မာနိုင်ငံ၊ ပဲခူးတိုင်းဒေသကြီး၊ ဖြူးမြို့တွင် ၁၉၄၄-ခုနှစ်၊ ဇန်နဝါရီ(၈)ရက်၊ စနေနေ့တွင် အဘဦးဖိုးဦး၊ အမိ ဒေါ်လှတင်တို့မှ ဖွားမြင်သော ဒုတိယမြောက်သား ဖြစ်သည်။ ဖြူးမြို့တွင် အထက်တန်းပညာ အောင်မြင်ခဲ့ပြီးနောက် တက္ကသိုလ် ဆက်မတက်ဘဲ စာပေလောကထဲသို့ ခြေစုံပစ် ဝင်ရောက်ခဲ့သည်။ မိခင်ဖြစ်သူမှာ စာရေးဆရာ၊ ဒါရိုက်တာ ဆရာကြီးဦးသုခ၏ ညီမအရင်း ဖြစ်သည်။

မောင်ဖေငယ်
မွေးဖွား ဦးတင်ဖေ
(1944-01-08)ဇန်နဝါရီ ၈၊ ၁၉၄၄
ဖြူးမြို့
ကွယ်လွန် ဖေဖော်ဝါရီ ၂၅၊ ၂၀၁၁(2011-02-25) (အသက် ၆၇)
ရန်ကုန်မြို့
အလုပ်အကိုင် စာရေးဆရာ
အိမ်ထောင်ဖက်(များ) ဒေါ်ခင်စမ်းနွယ်
သားသမီး
မိဘ(များ) ဦးဖိုးဦး၊ ဒေါ်လှတင်

(၁၉၆ဝ)ပြည့်လွန်နှစ်များတွင် ဖြူနီညိုပြာစာပေ တိုက်သို့ရောက်ရှိပြီး သတင်းစာ ဆရာကြီးစိန်ခင်မောင်ရီထံတွင် စာပေ တပည့်အဖြစ် ခံယူသည်။ (၁၉၇၁)ခုနှစ်တွင် အလယ်တန်းပြ ကျောင်းဆရာမ ဒေါ်ခင်စမ်းနွယ်(ကလောင်အမည် – ဖြူနှင်းနွယ်(မန်းတက္ကသိုလ်)နှင့် လက်ထပ်ပြီး သား စည်သူဖေငယ် နောင်မင်းလတ် နှစ်ဦး၊ သမီးသုံးဦး တင်မင်းယု လင်းငယ်ငယ်ထွေး ချစ်စုဖွေး တို့ ထွန်းကားသည်။

. . . ဖေငယ်၊ မောင် (ဦးတင်ဖေ) . . .

  1. သူတို့ဆီက သည်းထိပ်ရင်ဖိုဝတ္ထုတိုများနှင့် ချမ်းအေးမြ၊ စိန်ခင်မောင်ရီ၊ မောင်ဖေငယ်(၁၉၇၃)
  2. ရနောင်မောင်မောင်တုတ်(၁၉၇၅)
  3. ကနောင်မင်းသားနှင့် မြင်ကွန်းမြင်းခုန်တိုင်(၁၉၇၆)
  4. နန်းမတော်မယ်နု(၁၉၇၆)
  5. ဖောင်းကားစား(၁၉၇၇)
  6. ကျွန်ဖြစ်ဖို့ကြုံလာတော့(၂၀၀၂)
  7. သစ္စာတရားရဲ့ ယဇ်ပလ္လင်(၂၀၀၃)
  8. သမိုင်းနှင့် ဝိရောဓိဖြစ်ခြင်း(၂၀၀၅)
  9. သီပေါမင်း၏ နောက်ဆုံးနေ့ရက်များ(၂၀၀၆)
  10. စဉ့်ကူးမင်း(၂၀၀၇)
  11. ဒိုင်းခင်ခင်(၂၀၀၇)
  12. ရတနာဂီရိရောက် သီပေါမင်း(၂၀၀၈)
  13. နန်းစံကြသူများ(၂၀၀၈)
  14. ဘကြီးတော်မင်း(၂၀၀၉)
  15. ရနောင်မောင်မောင်တုတ်၊ အသစ် ထပ်မံဖြည့်စွက်ချက်များနှင့်အတူ(၂၀၁၀)
  16. ရန်ကိုပယ်ရှင်း(၂၀၁၁)

[1]

အသက်(၆၈)နှစ် အရွယ်ရှိ စာရေးဆရာ မောင်ဖေငယ်(ခ) ဦးတင်ဖေသည် ရန်ကုန်ဆေးရုံကြီး၊ နှလုံးအထူးကြပ်မတ် ကုသဆောင်၌ ၂၀၁၁−ခုနှစ်၊ ဖေဖော်ဝါရီ (၂၅)ရက်၊ နံနက် (၁၁:၃ဝ)နာရီတွင် ကွယ်လွန်အနိစ္စ ရောက်ရှိသွားပြီ ဖြစ်သည်။ ကြွင်းကျန်ရစ်သော ရုပ်ကလာပ်ကို ဖေဖော်ဝါရီ (၂၇)ရက်တွင် ရေဝေး သုသာန်၌ ညနေ(၃)နာရီ ပို့ဆောင် မီးသဂြိုဟ်သည်။

လုံးချင်းစာအုပ်အဖြစ် ရနောင်မောင်မောင်တုတ် စာအုပ်ကို စတင်ရေးသားပြီးနောက် မောင်ဖေငယ် ဟူသော ကလောင်အမည်ဖြင့် သမိုင်းဆိုင်ရာစာပေများ အစဉ်တစိုက် ရေးသားပြုစုခဲ့သည်။ စဉ့်ကူးမင်းမဏိစန္ဒာဆင်ဖြူမရှင်ဒိုင်းခင်ခင်နန်းမတော်မယ်နု စသည့် စာအုပ်များ အထူးထင်ရှားပြီး လသာမြို့နယ် စာပေနှင့် စာနယ်ဇင်းအဖွဲ့၏ ဥက္ကဋ္ဌအဖြစ်တာဝန်ယူခဲ့ပြီး ကွယ်လွန်ချိန်အထိ မြန်မာနိုင်ငံစာပေနှင့် စာနယ်ဇင်းအဖွဲ့ ဝင်ဖြစ်သည်။ ဆရာကွယ်လွန်ချိန်တွင် ထုတ်ဝေဖြန့်ချိပြီးသည့် စာအုပ်ပေါင်း အုပ်(၂ဝ)ခန့် ကျန်ရှိပြီး အချို့စာမူများမှာ စက်တင်ပုံနှိပ်ခြင်း မပြုရသေးကြောင်း သိရသည်။

. . . ဖေငယ်၊ မောင် (ဦးတင်ဖေ) . . .

This article is issued from web site Wikipedia. The original article may be a bit shortened or modified. Some links may have been modified. The text is licensed under “Creative Commons – Attribution – Sharealike” [1] and some of the text can also be licensed under the terms of the “GNU Free Documentation License” [2]. Additional terms may apply for the media files. By using this site, you agree to our Legal pages . Web links: [1] [2]

. . . ဖေငယ်၊ မောင် (ဦးတင်ဖေ) . . .

Back To Top