㚻向

㚻向（粵拼：gei¹ hoeng³；日文：やおい^(Yaoi)），喺日本係指為女性讀者而創作，以男男同性色情題材為賣點嘅漫畫同小說嘅俗稱。

. . . 㚻向 . . .

使用漫畫、動畫等原作中嘅男性角色，嚟描寫男男之間性愛關係嘅二次創作作品，呢種性愛關係就叫做「㚻」。

㚻（やおい）嘅語源一般認為係因為作品好多時都只係由性描寫構成，從「山なし（や）、オチなし（お）、意味なし（い）」（冇高潮、冇結尾、冇意義）轉變而嚟。亦有「801」（日語轉音）同「やさい」（蔬菜）（「やおい」常掩飾寫成「や○い」，喺Fanroad雜誌上讀者興起喺其中填入「さ」而廣為流傳）等嘅黑話。類似概念有「耽美」嘅詞語，但喺㚻領域當中多特別指一次創作。喺歐美等地㚻都稱為「Slash」。㚻愛好者嘅女性被稱為腐女。呢些稱呼喺愛好者之間都作自貶嘅用途。

㚻作品主要採行漫畫、繪畫、小說等形態。由於角色喜好同人際關係嘅差異，一部作品會產生出五花八門嘅配對組合。

雖然㚻大部分描寫嘅係虛構角色之間嘅戀愛，但係都有人以真實人物（男性偶像、運動員、音樂家、搞笑藝人等）作為角色嚟使用，通稱為「真人同人」。但因為被當事人同關係者見到可能會引發糾紛，呢種作法通常係不可取嘅。

此外，㚻會被批評係揶揄同侮辱男同志，侵害到性少數族群嘅人權。另外採用實際人物嘅虛構性愛關係，以及包含強姦等以未成年者為對象嘅性描寫，喺法律同道德方面上可能產生問題。喺尊重言論自由嘅同時，性騷擾、差别用語、仇恨言論等問題都會被提出作為抨擊嘅議題。

耽美遊戲（BL game）係以㚻向為主題嘅戀愛模擬遊戲，即係講日本動畫風格嘅後生男仔之間嘅男男戀。

. . . 㚻向 . . .

. . . 㚻向 . . .