ZH-YUE

杜如風

杜如風英文Helen To1975年5月16號)係香港電視節目主持人同作家,主要拍遊埠節目同出遊埠書,喺2007年幫無綫電視無綫生活台拍《流行東京》而開始出名,之後幫Now TV拍《風行全世界》系列,2015年開始再幫無綫拍節目。而家係製作公司《狼製作》創辦人兼社長,自行製作旅遊節目,然後再用外判形式賣畀電視台。另外亦都係時裝品牌FUNGOLIA創辦人之一。

唔好同杜琪峰搞亂。
杜如風

喺反財政預算案遊行嘅時候,
喺皇后大道中拍攝音樂錄影帶。
節目主持
英文名 Helen To
國籍  加拿大[1]
出世 (1975-05-16) 1975年5月16號(46歲)[2][3][4]
 英屬香港
職業 主持
語言 粵語、英文、日文、普通話
教育程度 大學畢業
出道作品 流行東京
活躍年代 2007年至今
經紀公司 狼製作

. . . 杜如風 . . .

阿爸係前嘉禾電影公司宣傳部經理杜惠東(筆名阿杜,1940-2016)[5],阿媽盧佩係退休中學教師。由於阿爸幫雜誌翻譯日本娛樂資訊多年,所以自細就耳濡目染,通曉日語。小學喺北角衛理小學讀書,中學就喺筲箕灣官立中學讀書[6],之後到加拿大麥馬士達大學修讀城市規劃,副修日語[7],其後參與當地「在加國學生日本語演講比賽」獲得全國冠軍,考到日本文部省(教育局)獎學金,獲日本駐加國大使夫人賞識,推介佢大學畢業之後去東京御茶水女子大學主修日本文學[8],所以放棄多倫多大學嘅碩士課程[9]。1998年取得大學文憑之後,佢阿爸向英皇電影推薦佢擔任日本電影字幕翻譯,之後成為編劇學徒[10]。2005年應徵有線電視嘅旅遊節目資料撰稿員,製作《活得很滋味》[11]。佢參與過電影《大佬愛美麗》嘅劇本創作[12]

2007年,無綫電視生活台邀請佢主持旅遊節目《流行東京》,漸漸為人熟悉。2008年再製作第二輯。

2009年佢同Now寬頻電視合作主持外判形式嘅旅遊節目:三輯《風行全世界》同埋《風行全中國》。正當大家以為杜如風有錢賺嘅時候,佢就否認,因為整個節目由資料搜集、訂機票酒店、租車以至行程編排,全部都係杜如風同埋導演二人處理。杜如風更透露之前去英國受咗氣,因為被當地嘅一個製片「放飛機」。杜如風表示只要求個製片幫手安排行程,約地方拍攝已經無叫佢約。佢收300英鎊一日,但係一日都無出現過,居然夠膽喺最後一日走嚟收錢。杜如風返到香港喺專欄裏面開名責罵嗰個失職製片,佢嘅公司最後打電話嚟向杜如風了解事件[13]

有報道指,杜如風曾經喺2007年同香港歌手黃又南拍拖,但戀情維持咗一年就告終[14]

2011年3月日本發生地震時,杜如風帶團到東京四日三夜,佢在微博寫上:「剛剛回到故鄉東京(因為杜如風經常到東京旅遊)就遇上大地震!搖過搖滾!真係會死喺家鄉嗎?」[15]

2015年,同好友,WIYO公司創辦人之一嘅CALVIN TSOI成立時裝品牌FUNGOLIA。

. . . 杜如風 . . .

This article is issued from web site Wikipedia. The original article may be a bit shortened or modified. Some links may have been modified. The text is licensed under “Creative Commons – Attribution – Sharealike” [1] and some of the text can also be licensed under the terms of the “GNU Free Documentation License” [2]. Additional terms may apply for the media files. By using this site, you agree to our Legal pages . Web links: [1] [2]

. . . 杜如風 . . .

Back To Top