ZH-YUE

海南花園

海南花園澳門半島花地瑪堂區華大新村第三街巴波沙大馬路關閘廣場,係屬於房屋局嘅經濟房屋。

海南花園
所屬堂區 花地瑪堂區
房屋類型 經濟房屋
房屋用途 住宅
總塔樓座數 1
第1座 
入伙日子 1988年9月14號
樓齡 32年
第2座 
入伙日子 1988年9月14號
樓齡 32年

停車場
海南花園停車場
詳細資訊一覽
  • 出入口位置:華大新村第三街

. . . 海南花園 . . .

2006年9月6號,一對年齡相差十五年嘅男女被揭發響海南花園一個單位入面燒炭自殺,兩名死者分別係四十八歲姓李嘅男人同六十三歲姓陳嘅女人,都係香港人,司警暫時唔知佢哋兩個人嘅關係。消息話8月28號,姓李男人透過地產公司介紹,以兩千蚊月租,租咗海南花園第一座十二樓一個單位,屋入面擺設簡陋,之後李同陳帶住啲簡單行李搬入去住,街坊對佢哋都唔係咁清楚。9月上旬到被發現屍體都冇見佢哋出入,而單位亦開始傳出臭味,隔離鄰居重以為係死老鼠,冇特別關心。直到5號,有住客對惡臭忍無可忍,聯同管理員撳鐘拍門都冇反應,於是通知所屬業主。6號朝早10點幾,單位業主返來睇吓咩事,但係用鎖匙開唔到大門,響大廈出面見到單位入面門窗關緊,覺得唔妥決定報警,治安警同消防員拎爆破架生到場破門而入,睇到陳婦死響房門邊,李盲瞓響間床到,間房中間有一個裝住木炭同炭灰嘅大鐵桶,房間嘅門罅有幾條毛巾塞住,而間房同廳嘅窗都用布塞住啲罅。警方檢驗證實兩個死者屍身發腫變黑,有屍水流出,估計死咗好多日,警方通知仵工到場處理屍體,再送到殮房,之後警方響單位入面搵到一封遺書,透露冇法面對困境同交代一啲後事,警方亦執到一張8月31號買過木炭嘅收據,估計兩個人響8月31號或之後嘅日子燒自殺。由於兩個人一到澳門就租屋部署自殺計劃,初步懷疑佢哋係特登由香港去澳門尋死,警方相信兩個人唔係因為賭輸咗錢尋死,警方正聯絡死者響香港嘅屋企人,了解佢哋之間嘅關係同背後尋死嘅原因。而業主見到單位發生自殺案,喺現場係咁話自己黑仔,又話單位整污糟,好難再出租又或者轉賣[1]

2007年5月4號凌晨四點幾,泊咗響關閘廣場華大街前面嘅六十六部電單車懷疑被人縱火燒爛,火勢一發不可收拾,現場濃煙滾滾,消防員趕到用咗十幾分鐘之後將火控制,其間亦疏散咗海南花園百幾個住客,重破門入去九間受到波及嘅舖頭到,睇吓有冇人被困,有一個六十歲男人因為吸入濃煙不舒服送院治理。消防調查之後話火警有可疑,已經交畀司警調查,而現場加埋有六十六架電單車燒咗。由於5月上旬嘅大遊行演變做警民衝突,所以呢單燒車案,好難唔令人以為兩單嘢係有關連[2]

  1. (繁體中文)屍臭四溢 警須戴口罩調查專程赴澳門燒炭男女齊死蘋果日報,響2006年9月7號搵到。
  2. (繁體中文)澳門66電單車被焚蘋果日報,響2007年5月5號搵到。
澳門公共房屋
社會房屋
花地瑪堂區
嘉模堂區
聖方濟各堂區
經濟房屋
經屋法
實施前1
花地瑪堂區
聖安多尼堂區
嘉模堂區
經屋法
實施後2
花地瑪堂區
嘉模堂區
聖方濟各堂區
1 部分社屋響新法第10/2011號法律《經濟房屋法》實施之前經過澳督訂立第4/99/M號法令以低廉嘅價錢買返自己間社屋,而變成經濟房屋。
2 新法第10/2011號法律《經濟房屋法》設咗十六年禁止轉賣規定,過咗十六年後如果要賣間經屋,政府優先購買,兼要補返政府資助嘅金額。
3 已經拆咗。

. . . 海南花園 . . .

This article is issued from web site Wikipedia. The original article may be a bit shortened or modified. Some links may have been modified. The text is licensed under “Creative Commons – Attribution – Sharealike” [1] and some of the text can also be licensed under the terms of the “GNU Free Documentation License” [2]. Additional terms may apply for the media files. By using this site, you agree to our Legal pages . Web links: [1] [2]

. . . 海南花園 . . .

Back To Top