ZH-YUE

畢書盡

畢書盡粵拼bat1 syu1 zeon6英文Bii韓文필서진1989年7月7號),藝名Bii,係台灣南韓混血男歌手、演員。2010年喺台灣以藝名出道,2013年開始,宣傳時改以藝名加上本名嘅形式「Bii 畢書盡」介紹自己,而家本名同藝名兩個都常用。

Bii 畢書盡

2015年Bii畢書盡參與第十屆KKBOX風雲榜演出
男歌手
原名 畢書盡
原文名 필서진
羅馬拼音 漢拼:Bì Shūjìn
粵拼:Bat1 Syu1 Zeon6[1]
英文名 Bii
國籍  中華民國
民族 台灣韓國混血
出世 (1989-07-07) 1989年7月7號(32歲)
 韓國/南韓京畿道城南市
職業 歌手演員作曲人作詞人填詞人
語言 韓語國語臺語英語
教育程度 高中
配偶 圈外女性(2019年結婚)[2]
音樂類 華語流行音樂韓語流行音樂
演奏樂器 結他鋼琴
出道地 臺灣
出道日期 2010年7月9號
出道作品 《Bii》
代表作品 《轉身之後》
《Come Back to Me》
《勢在必行》
活躍年代 2010年-依家
唱片公司 福茂唱片
經紀公司 老鷹音樂
網路電影資料庫(IMDb)資訊
朝鮮族姓名
諺文 필서진
朝鮮漢字 {{#if:|-{}}
文觀部式 Pil Seo-jin[3]
馬-賴式 P’il Sŏ-jin

. . . 畢書盡 . . .

韓國京畿道城南市出世,台韓混血,阿爸係台灣人,阿媽係韓國人。佢直到2011年,佢先攞中華民國身分證,有人生第一個國籍,並喺同年入伍服兵役[4][5]

但喺大韓民國期間讀韓國學校,到2006年先嚟台灣學中文。喺大韓民國被SM娛樂星探睇中過並收到SM娛樂嘅名片,但被阿媽反對。

2020年2月14號,佢通過Facebook話已同圈外女友登記結婚[2]

2006年,由阿爸嘅朋友間接介紹,同老鷹音樂公司嘅李亞明簽約,做旗下歌手,自己去台灣生活,同開始接受中文、樂器、舞蹈、創作等培訓。

2007年,喺偶像劇《放羊的星星》原聲帶主唱韓文版《對望》同寫韓文歌詞。

2008年,佢喺工廠同火鍋鋪打工。2009年返到台灣[6]

2010年7月9號,出首張同名EP《Bii》攞到好多歌迷嘅迴響,發動「萬人挺Bii」蓋指紋活動[7]無名小站部落格更加喺一個月內流量超過十五萬次,各地粉絲都為咗支持佢全員動起來60日內成功催生新專輯《Bii Story》。

2010年10月6號,出首張音樂專輯Bii Story》,其中四首歌係三立電視鍾無艷》片頭曲《到不了的幸福》、片尾曲嘅《轉身之後》、插曲《一天天》同《迷路》。

2011年9月23號,同陳勢安出《勢在必行》。2011年10月19號,佢入中華民國海軍軍樂隊服役,並喺2012年11月16號正式退伍[8]

2013年5月16號,以本名畢書盡[9]出個人第二張專輯《Come back to Bii[10],主打歌《Come Back To Me》MV攞到高點擊率,其他嘅歌都有唔錯嘅成績,同時受邀梧桐綜藝節目、商演、跨年演唱會。8月底,喺ATT SHOW BOX搞咗個人演唱會,《Come back to Bii》實體專輯銷售量係嗰年度第九名。

2014年3月28號,佢同陳勢安、陳彥允李玉璽出《勢在必行2》,首次挑戰英文歌《Everything Changes》。同年12月,出第三張個人專輯《Action Bii》,走去英國法國拍MV,主打歌《Action Go!》融合國語、韓文、臺灣話、英文,第二波主打《我還想念你》係成張專輯最熱門嘅歌。

2015年,接咗幾個代言,3月21號喺馬來西亞搞咗第一場海外大型個人演唱會,7月31號出第二張EP 《Love More》,清新嘅風格再次受到好評,主打歌《Love More》同時係代言面膜嘅歌,亦收錄喺自己創作嘅韓文歌《B-A-B-Y》。9月4號,同陳勢安、陳彥允、李玉璽出《勢在必行3-心時代》,並喺10月正式出演第一部戲劇《愛上哥們》,喺劇入面飾演衛青陽。喺「臺北最High新年城2016跨年晚會」唱「華劇組曲」攞到全台最高收視4.19,係嗰年全台收視冠軍。

2016年1月24號,攞到第11屆kkbox風雲榜年度風雲歌手。同年6月5號出席2016hito流行音樂獎,攞到年度大躍進男歌手獎。6月6號,出第四張個人專輯《I’M Bii TO THE DOUBLE i》,出咗一個禮拜就賣咗一萬幾張。6月25號,出席第27屆金曲獎,做引言人。7月16號,喺台大體育館搞出道以嚟喺台灣嘅首場大型賣飛演唱會。

2017年6月4號,出席2017hito流行音樂獎,攞到hito首播點擊人氣獎同hito最具號召力歌手獎。同年10月5號,出第五張個人專輯《Bii Your Light》專輯銷售量係該年度第一名。同年12月9號,喺台北小巨蛋搞咗首場《My best moment》巡迴演唱會台北小巨蛋站。同年都做咗台北場跨年壓軸歌手。

2018年8月4號,喺高雄巨蛋搞第二場《My best moment》個人巡迴演唱會高雄巨蛋站,請徐若瑄做神秘嘉賓。同年10月10號,喺香港搞咗第三場《My best moment》巡迴演唱會。同年11月10號,喺馬來西亞搞咗第四場《My best monent》巡迴演唱會。

2018年12月1號,喺日本搞咗1st Mini Live & Talk in 大宮,而12月2號喺橫濱搞咗1st Mini Live & Talk in。同年12月31號,受邀喺桃園同花蓮橫跨北東兩地跨年晚會表演。

2019年1月26號,受邀出席第14屆kkbox風雲榜做表演嘉賓。2019年2月,加盟湖南衛視歌手2019》,喺第三輪踢館預選賽憑住《Nothing At All》輸咗畀許靖韻攞唔到正式踢館資格。

. . . 畢書盡 . . .

This article is issued from web site Wikipedia. The original article may be a bit shortened or modified. Some links may have been modified. The text is licensed under “Creative Commons – Attribution – Sharealike” [1] and some of the text can also be licensed under the terms of the “GNU Free Documentation License” [2]. Additional terms may apply for the media files. By using this site, you agree to our Legal pages . Web links: [1] [2]

. . . 畢書盡 . . .

Back To Top